Hmar-Mal POS

Hmar-Mal POS

အသုံးပြုသူ လမ်းညွှန်လက်စွဲ (User Manual)

Version 1.0 • နောက်ဆုံးပြင်ဆင်ရက် - 9/14/2026

၁။ App ကို ဖုန်းထဲတွင် Install ပြုလုပ်ခြင်း (Installing App)

Hmar-Mal POS သည် Browser မှတစ်ဆင့် တိုက်ရိုက်အသုံးပြုနိုင်သော စနစ်ဖြစ်သော်လည်း၊ ဖုန်းထဲတွင် App တစ်ခုကဲ့သို့ အလွယ်တကူ သုံးနိုင်ရန် Home Screen သို့ ထည့်သွင်းနိုင်ပါသည်။

  • Android: Chrome browser မှ Menu (⋮) ကိုနှိပ်ပြီး "Install App" သို့မဟုတ် "Add to Home screen" ကို ရွေးချယ်ပါ။
  • iOS (iPhone): Safari အောက်ခြေရှိ Share ခလုတ်ကို နှိပ်ပြီး "Add to Home Screen" ကို ရွေးချယ်ပါ။

၂။ အကောင့်အသစ်ဖွင့်ခြင်း (Account Sign Up)

ဆိုင်ပိုင်ရှင်အနေဖြင့် စနစ်ကိုစတင်အသုံးပြုရန် အကောင့်ဖွင့်ရပါမည်။ App ၏ ပင်မစာမျက်နှာရှိ "အကောင့်ဝင်ရန် / Login" ခလုတ်ကို နှိပ်ပါ။ ထို့နောက် "Sign Up" ကို ရွေးချယ်ပြီး မိမိ၏ အမည်၊ အီးမေးလ်နှင့် စကားဝှက်တို့ကို ထည့်သွင်း၍ အကောင့်သစ် ဖန်တီးနိုင်ပါသည်။

💡

ကိုယ်တိုင် ဆိုင်အသစ်ဖွင့်လှစ်နိုင်ပါပြီ

အကောင့်ဝင်ပြီးသည်နှင့် Admin Dashboard ရှိ "Create New Shop" (ဆိုင်အသစ် ဖွင့်မည်) ခလုတ်ကိုနှိပ်၍ သင့်ကိုယ်ပိုင်ဆိုင်ကို အခမဲ့ စတင်ဖန်တီးနိုင်ပါသည်။ (Free Plan တွင် စားပွဲ ၅ လုံး နှင့် ဝန်ထမ်း ၂ ဦးအထိ အခမဲ့ အသုံးပြုနိုင်ပါသည်။)

၃။ စားပွဲများ ဖန်တီးခြင်း (Table Create & QR)

  • ၁။ ဘေးဘက် မီနူး (Sidebar) မှ "Tables" ကို နှိပ်ပါ။
  • ၂။ ညာဘက်အပေါ်ထောင့်ရှိ ကို နှိပ်ပါ။
  • ၃။ စားပွဲအမည် (ဥပမာ T-1, VIP-1) နှင့် လူဦးရေကို ထည့်သွင်း၍ Save လုပ်ပါ။
  • ၄။ ဖန်တီးပြီးသော စားပွဲပေါ်ရှိ QR ခလုတ်ကို နှိပ်ပါက ဧည့်သည်များ စကင်ဖတ်၍ အော်ဒါတင်နိုင်မည့် QR ကုဒ် ပေါ်လာပါမည်။ (လုံခြုံရေးအရ QR ကုဒ်သည် သက်တမ်းကုန်ဆုံးနိုင်သောကြောင့် ပရင့်ထုတ်၍ စားပွဲတွင်ကပ်ထားရန် မရပါ။ ဧည့်သည်လာသောအခါ ဝန်ထမ်း၏ ဖုန်း/စက်မှတစ်ဆင့် တိုက်ရိုက် စကင်ဖတ်ခိုင်းရပါမည်။)
Table T-1

၄။ မီနူးများ ပြင်ဆင်ခြင်း (Categories & Meals)

အမျိုးအစားများ (Categories): မီနူးများကို မထည့်သွင်းမီ "Categories" သို့သွား၍ ဟင်းလျာအမျိုးအစားများ (ဥပမာ - အအေး၊ အထောင်း၊ ထမင်းကြော်) ကို အရင်ဖန်တီးရပါမည်။

ဟင်းလျာများ (Meals): "Meals" သို့သွား၍ ဟင်းလျာအသစ်များကို ထည့်သွင်းပါ။

  • ဟင်းလျာအမည်၊ ဈေးနှုန်းနှင့် အမျိုးအစားကို ရွေးချယ်ပါ။
  • ပုံလှလှလေးများ ထည့်သွင်းပါက ဧည့်သည်များ ပိုမိုနှစ်သက်စွာ မှာယူနိုင်ပါသည်။
  • ပစ္စည်းပြတ်သွားပါက "Available" ခလုတ်ကို ပိတ်ထားနိုင်ပါသည်။
  • Add-ons နေရာတွင် (ဥပမာ - ကြက်ဥကြော် + ၅၀၀၊ ပါဆယ်ဘူး + ၃၀၀) စသည်တို့ကို အပိုဆောင်း ထည့်သွင်းထားနိုင်ပါသည်။

၅။ ဝန်ထမ်းများအား ဖိတ်ခေါ်ခြင်း (Shop User Invitation)

ဆိုင်တွင် ကူညီလုပ်ဆောင်မည့် မန်နေဂျာ၊ စားပွဲထိုး၊ မီးဖိုချောင်ဝန်ထမ်းများကို ဖိတ်ခေါ်နိုင်ပါသည်။

  1. မီနူးမှ "Users" စာမျက်နှာသို့ သွားပါ။
  2. ဝန်ထမ်းအသစ်သည် App တွင် မိမိဖုန်းဖြင့် အကောင့်ဖွင့်ပြီး (Login ဝင်ပြီး) ပါက ဂဏန်း ၅ လုံးပါ Join Code ကို ရရှိပါမည်။
  3. ဆိုင်ပိုင်ရှင် (Shop Admin) မှ "Invite User" ခလုတ်ကို နှိပ်ပြီး ထို ၅ လုံးပါ Join Code ကို ရိုက်ထည့်ကာ ပေးချင်သောရာထူး (Role) ကိုရွေးချယ်၍ ဖိတ်ခေါ်ရပါမည်။
    • Manager - ဆိုင်တစ်ခုလုံးကို စီမံခန့်ခွဲနိုင်သည်
    • Waiter - စားပွဲများနှင့် အော်ဒါများကိုသာ ကိုင်တွယ်နိုင်သည်
    • Chef / Kitchen - မီးဖိုချောင်အော်ဒါများကိုသာ ကြည့်ရှုပြင်ဆင်နိုင်သည်
  4. ထို့နောက် ဝန်ထမ်းဘက်မှ App ကို Reload လုပ်လိုက်သည်နှင့် ဆိုင်သို့ အလိုအလျောက် ရောက်ရှိမည်ဖြစ်ပါသည်။

၆။ အစီအစဉ် သက်တမ်းတိုးခြင်းနှင့် အဆင့်မြှင့်ခြင်း (Plan Renew / Upgrade)

စားပွဲအရေအတွက် သို့မဟုတ် ဝန်ထမ်းအရေအတွက် ပိုမိုလိုအပ်လာပါက Plan ကို အဆင့်မြှင့်နိုင်ပါသည်။ "Subscription" စာမျက်နှာသို့ သွား၍ မိမိဆိုင်နှင့် ကိုက်ညီမည့် Plan (Basic, Premium, Enterprise) ကို ရွေးချယ်ပြီး ကျသင့်ငွေကို တိုက်ရိုက်ပေးချေကာ အဆင့်မြှင့်တင်နိုင်ပါသည်။ သက်တမ်းကုန်ဆုံးခါနီးပါကလည်း App ထဲတွင် သတိပေးချက် (Reminder) ပေါ်လာမည်ဖြစ်ပါသည်။

၇။ ကြိုတင်အော်ဒါနှင့် ဧည့်သည်အော်ဒါစနစ် (Orders Flow)

ကြိုတင်မှာယူမှု (Pre-order Taking)

Basic Plan နှင့်အထက်တွင် အကန့်အသတ်မရှိ "Pre-Orders" စနစ်ပါဝင်ပြီး Free Plan တွင် တစ်လလျှင် အကြိမ် (၆၀) အထိ အသုံးပြုနိုင်ပါသည်။ ဆိုင်ဝန်ထမ်းမှ Pre-order အတွက် သီးသန့် အော်ဒါလင့်ခ်တစ်ခု (Pre-order Link) ကို ဖန်တီး၍ ဖောက်သည်ထံသို့ ပေးပို့ရပါမည်။ ဖောက်သည်သည် ထိုလင့်ခ်မှတစ်ဆင့် ဟင်းလျာများကို ရွေးချယ်ပြီး ကြိုတင်အော်ဒါတင်နိုင်ပါသည်။ ထို့နောက် "Pre-Orders" စာမျက်နှာတွင် ဧည့်သည်အမည်၊ လာယူမည့်အချိန် (Target Time) နှင့် အော်ဒါများကို စနစ်တကျ ကြည့်ရှုပြင်ဆင်နိုင်ပါသည်။

ဧည့်သည်များ ကိုယ်တိုင်မှာယူခြင်း (Guest Order Flow)

  1. 1

    ဧည့်သည်သည် ဝန်ထမ်း၏ ဖုန်း/Tablet တွင် ပြသထားသော သက်ဆိုင်ရာ စားပွဲ၏ QR ကုဒ်ကို မိမိဖုန်းဖြင့် စကင်ဖတ်မည် (သို့မဟုတ်) ဝန်ထမ်းမှပေးသော ဂဏန်း ၆ လုံးပါ Short Code ကို ရိုက်ထည့်မည်။

  2. 2

    ဒစ်ဂျစ်တယ်မီနူး ပေါ်လာမည်။ လိုချင်သော ဟင်းလျာများကို ရွေးချယ်ပြီး Cart ထဲထည့်ကာ "အော်ဒါတင်မည်" နှိပ်လိုက်ပါမည်။

  3. 3

    ထိုအော်ဒါသည် ဆိုင်၏ Kitchen Display နှင့် Tables စာမျက်နှာသို့ ချက်ချင်း ရောက်ရှိလာပါမည်။ မီးဖိုချောင်မှ ချက်ပြုတ်ပြီးစီးပါက Ready to Serve (ပို့ဆောင်ရန်အသင့်) စာမျက်နှာတွင် ပေါ်လာမည်ဖြစ်ပြီး စားပွဲထိုးများမှ သက်ဆိုင်ရာစားပွဲသို့ ပို့ဆောင်ပြီး "Mark as Served" ကို နှိပ်နိုင်ပါသည်။

  4. 4

    ဧည့်သည်မှ အကူအညီလိုအပ်ပါက ဖုန်းထဲမှ "ဝန်ထမ်းခေါ်မည် (Call Staff)" ခလုတ်ကို နှိပ်လိုက်ပါက ဆိုင်ရှိစက်များတွင် အသံမြည်၍ စားပွဲနံပါတ် အဝါရောင်ဖြင့် လင်းလာမည်ဖြစ်ပါသည်။

  5. 5

    ဧည့်သည်မှ ဘေလ်ရှင်းလိုပါက ဖုန်းထဲမှ "ငွေရှင်းရန် ဝန်ထမ်းခေါ်မည်" ကို နှိပ်လိုက်ပါက ဆိုင်ရှိစက်များတွင် အသံမြည်၍ စားပွဲနံပါတ် အနီရောင်ဖြင့် လင်းလာမည်ဖြစ်ပါသည်။

၈။ အခွန်နှင့် ဝန်ဆောင်ခများ (Extra Charges)

"Settings" စာမျက်နှာရှိ "Financial Settings" တွင် ဆိုင်အတွက် အခွန် (Tax % အကောက်ခွန်) နှင့် ဝန်ဆောင်ခ (Service Charge %) တို့ကို ပုံသေ သတ်မှတ်ထားနိုင်ပါသည်။

ထို့အပြင် "Custom Extra Charges Presets" တွင် အခန်းခ (Room Charge)၊ သီချင်းဆိုခ စသည့် အခြားကျသင့်ငွေများကို ကြိုတင်ဖန်တီးထားနိုင်ပြီး ငွေရှင်းမည့်အချိန် (Checkout) တွင် အော်ဒါထဲသို့ အလွယ်တကူ ထည့်သွင်းကောက်ခံနိုင်ပါသည်။

၉။ ဆိုင်ပရိုမိုးရှင်းစာမျက်နှာ ပြင်ဆင်ခြင်း (Landing Page)

ဆိုင်တိုင်းအတွက် ကိုယ်ပိုင် Landing Page လင့်ခ် (ဥပမာ - hmar-mal.com/shop/my-restaurant) ကို အလိုအလျောက် ဖန်တီးပေးထားပါသည်။ ထိုစာမျက်နှာကို လှပနေစေရန် "Settings" တွင် -

  • ဆိုင် Logo နှင့် Cover (Banner) ပုံများကို ထည့်သွင်းပါ။
  • ဆိုင်ဖွင့်ချိန်/ပိတ်ချိန် နှင့် လိပ်စာ အတိအကျကို ရေးသားပါ။
  • ဆိုင်၏ Brand အရောင် (Theme Color) ကို ရွေးချယ်ပါ။ (Theme color ပြောင်းလိုက်ပါက ဧည့်သည်မြင်ရမည့် မီနူးစာမျက်နှာများအားလုံးသည် ထိုအရောင်အတိုင်း လှပစွာ ပြောင်းလဲသွားမည်ဖြစ်ပါသည်)။